Bespreking van die Verwoerd-familie-huise op Bettiesbaai kan deur hierdie webwerf gemaak word (kliek op die skakel heelbo en skep ‘n aanteken-rekening).  A.g.v. google se sekuriteitsvereistes, moes ek dit so verander dat jy eers met jou webwerf-gebruiker op die webwerf aanteken en nie meer direk op die besprekingstelsel nie.  Laat weet asb. vir my as daar nog probleme is.

Vir interessantheid plaas ons ook brokkies inligting, herinnerings en foto’s van die familie van

Dr Hendrik en mev Betsie Verwoerd van Suid-Afrika

Enige een wat belang stel kan gerus betrokke raak deur:

a) te help om die webwerf interessant, relevant, korrek en op datum te hou, (sien onder)

b) aan te sluit by die facebook-blad (kliek op die skakel heelbo)

c) aan te sluit by die Yahoo-epos-groep ( http://uk.groups.yahoo.com/group/verwoerds )

Hou in gedagte dat ek maar eensydige inligting van ‘n klein deeltjie van die familie en karige herinneringe beskikbaar het om te plaas, aangesien oupa oorlede is voor ek gebore is en ek min kontak het met die meeste van my neefs en niggies. Elkeen van ons het ook verskillende ervarings van dieselfde gebeurtenisse en so kan ons mekaar verryk, veral die ouer familielede teenoor die jongeres. Gaan kyk ‘n slag weer na jou ou foto’s en stuur vir my ‘n paar wat die moeite werd is, met ‘n kort beskrywing, dan plaas ek dit namens jou. Dit sal so lekker wees om uit ander oorde nuus, inligting of herinneringe te kry.

Indien jy navrae het of probleme ondervind, kontak ons asb. d.m.v. die Terugvoer-bladsy (privaat) of laat ‘n boodskap hieronder (openbaar – vir bespreking).

Geniet jou dag!

Marlé